اللطرون

عبدالرحمن بن احمد

اللطرون قصيدة يستعرض فيها الشاعر الأوضاع التي يعيشها المسلمون في الوقت المعاصر،


ارى الناس تخطى والزمان حنون =على غير تشريع الاله يبون
اراهم إبعمياهم او يزداد غيهم =يبيعون عدلات الزمان ابدون
اراهم يبيعون الفظيله إبظدها =او يزودون غمقات الطعون اطعون
اراهم عن درب العداله تخاذلوا=اخلاقهم ساءت ولا يدرون
اراهم يسوقون الحيات العكسها =وشلون هذا كيف به يرظون
اراهم الحسنات العوايد تنكروا =يقودونها عميا بدون إعيون
اراهم ملذات الحياة الرخيصة =بغلا الثمن لاسبابها يسعون
اراهم يحظون الملذات ابطاعه =الا ولا عنها بعد يسلون
اراهم يقودون الفظيله الى الردا= مهما يطول الصوت ما يوحون
اراهم عن الخلق الكريم تحولوا =صح الكلام إن الجنون إفنون
اراهم عن السنه تبدل وظعهم =يمسون إبلون او يصبحون إبلون
اراهم سهوا عنها بدون تبصر=تاهوا ابدنيا شرها مشحون
اراهم مع الدنيا تمادوا او بالغوا=ظاعت عليهم ماظيات الكون
اراهم مع النعمه نسوا ماينوبهم =ماهان منك ابجانبك يهون
اراهم عن جانب الودود توددوا=الى الهوان او جانبه يفظون
اراهم عن المعروف والعرف داهنوا=والصدق عاظب والوفاء ينسون
اراهم يجودون او يبخلون إبجودهم =على ادروب الخير مايصخون
اراهم يبذلون او يسرفون ابذلهم =يصيدون بالظلما ولايشقون
اراهم يصيدون او يفخرون ابصيدهم =يشيلون الجنايز حولها يبكون
اراهم عن الشرف الرفيع تحولوا =الى الملاهي والهوى يرقون
اراهم عن الهدف الصحيح تخالفوا =اواه من عكسٍ عكس مسنون
اراهم عن الفظيله والفظايل كلها=من مصدرٍ وشلون له ينسون
اراهم ورا الاسلام مصدر مجدهم=يعظون بلسانه بدون إسنون
اراهم للإسلام تطبل اطبولهم =على المظاهر يظهرون إبهون
اراهم عن الأفعال الصحيحة تغيروا=او عكس الفظايل واجبه يعطون
اراهم يشيلون او ميلهم في شيلهم =هانوا او تاهوا واسلموا للهون
اراهم وامجادهم تهاونوا بها =ينامون النهار او ليلهم يسرون
اراهم ذاهبين او مذهبين وقتهم =امتعاكسين او يفتلون او ينقظون
اراهم والملاهي تفيظ او تمتلي =يحظون الملاهي والندم يجنون
اراهم يحصدون من نتايج فعلهم =او علا الرمال الذاريه يبنون
اراهم بالصبخا يبثون بذرهم =والحنظله ما تنتج الليمون
اراهم عن المبدأ او سُنة محمد=الى الذل يركعون او يسجدون
اراهم في تخلفهم يسيئون ظنهم= لمجادهم واسلافهم يخطون
اراهم بغوا على الفظيلة إبمكرهم =الا او جثمانها بعد مدفون
اراهم على مسمعٍ منهم امام اعيونهم=حياتهم تهدم اوفيها اطعون
اراهم يشوفون الرذيله تفاعلت =واهل الفظايل والكرم ينعون
اراهم ينعون ماظيهم او حاظره=يشيلون ماهم والصميل إشنون
اراهم يدركون المواظي جميعها =شافوا او عرفوا واصبحوا يقرون
اراهم يعرفون الحوادث او فعلها=بخلافهم واظح بدون اظنون
اراهم واحملهم للأسباب كلها =هم السبب فيما جرا مظمون
اراهم والعار غشانا جميعنا =العار صار او مصرعه وشلون
اراهم لو ثابروا يدركونها =علينا الزلات العفون اديون
اراهم والاماني تدرك بالدما=بالموت يبنا للشعوب احصون
اراهم والايام تمظي او تنتهي =تفوت فرصات الزمان ابدون
اراهم او فرصات الزمان شحيحه=ما فات عنهم مات لو يدرون
اراهم وانا احاول عسى النفس تهتدي=او عسى لنا عند الاله إركون
اراهم وانا عندي إمن الميل مثلهم =او على الله عسرات الامور تهون
اراهم وانا عجزٍ عن النفس والهوا=اصارع اشجونٍ ورثتها اشجون
اراهم والنفس اتراودني او تختبط=عليها إمن اسباب الزمان إغبون
اراهم وانا وجلٍ اصارع جوارحي=اكن واخفى خافيٍ مكنون
اراهم والارواح للموت والفتا=يعيشون العفون او ينتهون إعفون
اراهم والابطال في موتهم=حياتهم اشبال بالدنيا والاخره يسمون
اراهم او من قدم للموت مهجته=مثل الحيام الوارده يردون
اراهم احذا هذا عقيم دورهم =مثل الذي يطبخ بلا ماعون
اراهم لو اصحاب سيد الملا=يشوفون مايجري على اللطرون
اراهم لو شافوا فلسطين او حالها=دمائها تنزف تحت صهيون
اراهم لو رأوا الصهاينه يطئونها =ابطال بدر والخندق او ميسلون
اراهم يشنونها حربٍ دون هواده=عزاه ياليت القبور إسجون
اراهم إبهماتهم واصدورهم يفتحونها=وايصارعون الشر عبر الكون
اراهم ايغيرون ماتغير الهزلنا =او لله في كل الوجود شئون