عكاز الوالد

عكاز الوالد


طلبتي مني عكاز
جات الموعودة وداتك
داني هم الوقت
ونسيت العكاز
تسنيتي مني عمود
مقوس الراس
وجات الموت
وما جبت العكاز
سمح ليا بويا
للي طلبتي ما جاك
وكنتي فحاجة ليه
وانت فدار الحق
كل ما ديتي معاك
هو العكاز
الله أبويا
كثارو لحيوط الراشية
ما كاين على من تحط الراس
للي تكيت عليهم
السيسان خاوية
ولدك فحاجة لعكاز
خليتيني فغابة يا بويا
ناسها وحوش
شجارها ما يظللو
ما يصنعو عكاز
طلبتي مني عكاز
عمود مقوس الراس
داني هم الدنيا
ما جبت العكاز
الوقت ما شي هي الوقت
أبويا
تفرعن كحل الراس
شكون يمدني بعكاز

سلا يونيو1986

أبدعت أخي الغالي محمد
زجل ينضح بالأحاسيس الصادقة وبالصور الشعرية البليغة
ولا يخلو من تراجيدية محملة بالمعاناة على فراق الوالد
رمزية تختزل المضمر وتفصح عن المكنون
قصيدة ناجحة بكل المقاييس
دمت مبدعا
ودام إبداعك منتجعا لكل متعطش للإبداع

فعلا أستاذي بلغازي
ماكين على من تحط الراس كلا يقول راسي يا راسي
شكرا لك على هده القصيدة
تحياتي